Translated from:
Chapter I : Philosophy (21 Lessons by Dergigi)
অনুসন্ধিৎসু দৃষ্টিৰে নিগনিটোৱে তাইলৈ চাই ৰ’ল, আৰু তাৰ সৰু সৰু চকুকেইটাৰ এটাৰে চকু টিপিয়াই দিয়াৰ দৰে দেখা গ’ল, কিন্তু মুখেৰে সি একো নক’লে ।উপৰোৱাভাৱে বিটকইনক লক্ষ্য কৰি কোনোৱে হয়তো ভাবিব পাৰে যে ই লেহেমীয়া, অপচয়মূলক, অপ্ৰয়োজনীয় তথা অযথা ভীতিগ্ৰস্ত এক ব্যৱস্থা । আকৌ, অনুসন্ধিৎসু ভাৱে বিটকইনক লক্ষ্য কৰি কোনোৱে হয়তো পাব পাৰে যে কথাবোৰ আচলতে প্ৰথমবাৰতে দেখাৰ দৰে নহয় । আপোনাৰ মনৰ ধাৰণাবোৰক লৈ সেইবোৰৰ গোটেই দিশ সলনি কৰি পেলোৱাৰ এক উপায় বিটকইনৰ হাতত সদায় থাকে । যেতিয়াই নিজৰ ধাৰণাবোৰৰ সৈতে আপুনি সহজ হ’ব খুজিব, বজাৰৰ মাজৰ উদঙীয়া ষাঁৰ গৰুৰ দৰে ঢাহি-মুহি আহি বিটকইনে আকৌ এবাৰ আপোনাৰ অনুমানবোৰ ধংশ কৰি পেলাব !
Blind monks examining the Bitcoin bull
বিটকইন হৈছে একাধিক শিকণ শৈলীৰ সন্মিলিত এক সন্তান । ঠিক সাধুকথাৰ চাৰি অন্ধই হাতী চাবলৈ যোৱাৰ দৰে । এই অগ্ৰণী প্ৰযুক্তিৰ কাষ চপা প্ৰতিজনেই একোটা ভিন্ন কোণৰ পৰা ইয়াক স্পৰ্শ কৰিব পাৰে । আৰু প্ৰত্যেকেই এই পৰাক্ৰমী প্ৰযুক্তিৰ প্ৰকৃতি সন্দৰ্ভে ভিন্ন মূল্যাংকন লাভ কৰিব পাৰে ।
আগন্তুক পাঠ সমূহ হৈছে বিটকইনে তচ-নচ কৰি পেলোৱা মোৰ কিছুমান ধাৰণা আৰু তাৰপৰা মই উপনীত হোৱা সিদ্ধান্ত সমূহৰ বিষয়ে ।
অ-সংশোধনশীলতা/অ-পৰিবৰ্তনশীলতা (immutability), বিৰলতা/দুৰ্লভ্যতা (scarcity), স্থানীয় লভ্যতা (locality) আৰু পৰিচয়/পৰিচিতি (identity) ৰ বিষয়ে প্ৰথম চাৰিটা পাঠত অন্বেষণ কৰা হৈছে ।
- পাঠ ০১ : অ-পৰিৱৰ্তনশীলতা আৰু পৰিৱৰ্তন
- পাঠ ০২ : দুৰ্লভ্য বিৰলতা
- পাঠ ০৩ : প্ৰতিলিপিকৰণ আৰু স্থানীয়তা
- পাঠ ০৪ : পৰিচিতি/পৰিচয়ৰ সমস্যা
- পাঠ ০৫ : এটি পবিত্ৰ ধাৰণা
- পাঠ ০৬ : মুক্ত-বক্তব্যৰ ক্ষমতা
- পাঠ ০৭ : জ্ঞানৰ সীমা
পঞ্চম পাঠে অন্বেষণ কৰিছে কেনেকৈ বিটকইনৰ আৰম্ভণিৰ কাহিনীখিনি কেৱল আকৰ্ষণীয়ই নহয় বৰঞ্চ এক কৰ্তৃত্ব/নেতৃত্ববিহীন ব্যৱস্থাপনাৰ বাবেও অতিকৈ প্ৰয়োজনীয় । আৰু এই অধ্যায়ৰ অন্তিম দুটা পাঠত অন্বেষণ কৰা হৈছে বিটকইন জ্ঞান-গহ্বৰে প্ৰতিফলন ঘটোৱা বাক-স্বাধীনতাৰ শক্তি/সামৰ্থ্য আৰু আমাৰ ব্যক্তিগত জ্ঞান-ভাণ্ডাৰৰ সীমাবদ্ধতাৰ বিষয়ে ।
আশাকৰো আপুনিও বিটকইনৰ পৃথিৱীখনক শিক্ষণমূলক, আকৰ্ষণীয় আৰু আমোদজনক পাব, যেনেকৈ মই নিজেও পাইছিলোঁ, বা আজিও এতিয়াও পাওঁ ।
বিটকইন গহ্বৰত বাস কৰা শহাটিৰ পিছ লৈ গহ্বৰৰ গভীৰতা অন্বেষণ কৰিবলৈ মই আপোনাক আমন্ত্ৰণ জনাইছোঁ । সময়ক মুঠিত বান্ধি, গহ্বৰত জাপ দি, এই গভীৰতাক আমি উপভোগ কৰো আহক ।